富咸揀波踢 主Ｗ有得修

猪拉多纳

快車期殺到，揀熱門隨時爆煲！寧願投X下游要搶分嘅球隊，富咸近來失分頻頻，已經愈來愈接近降班區，而對手修咸頓同第18位嘅韋根同樣僅得15分，亦更要搶分數，這場比賽有一定可觀性，而富咸有主場可睇高一線。

（有線61台周三晚11時直播）

富咸畀我嘅感覺係揀波踢，係比較唔正氣嘅球隊，例如早前輸畀當時聯賽未贏過嘅昆士柏流浪，上周末作客利物浦的表現簡直令人髮指，整隊完全冇鬥志，任由對方控球，連對方達寧都表現得生龍活虎，最終吞四蛋係咎由自取。富咸近10場比賽只贏過1場，狀態無疑低迷，但快車期間嚟講，今場係富咸最易踢嘅賽事，係博反彈嘅最佳時機。

首先富咸往績上已經有利，近12次主場對修咸頓7勝5和不敗，完全食住對手，而且射手拜仁雷斯受傷接近一個月後今晚有望復出，可增加前線入波本錢，柏歷帶傷上陣成疑，前線上仍有貝碧托夫，另外中場薛維爾今晚停賽復出，中場力量亦得以強化。
修咸頓殘陣作客曳

修咸頓僅以得失球壓住韋根，聯賽作客成績得1勝6負，僅比雷丁好，隊長拉爾拉拿繼續受傷缺陣，人腳不整。今場修咸頓被莊家睇得好淡屬正常，外國有富咸讓半球低水或半一高水嘅盤，富咸近況咁弱都讓咁多，今晚就用富咸主勝做膽。
Wendy推介：富咸 主勝