海鮮工廠讓唔起韋根

猪拉多纳

阿仙奴冇貨 未試過3連勝

英超咁多隊名牌球隊當中，利物浦出名「海鮮」，不過今季嘅阿仙奴似乎比「紅軍」有過之而無不及。小弟覺得「海鮮工廠」問題多多，今晚佢哋作客弱旅韋根亦未必贏硬，一於撐2.05倍「讓球主勝」。

（有線200及300、廣東體育周六晚8:45直播）

早幾日「小兵」作客大炒雷丁5:2，西班牙中場辛迪卡索拉仲連中三元光芒四射添，不過大家咪因為呢場波就睇高「兵工廠」，事實上，阿占翻查紀錄，原來上仗只係阿仙奴今季英超第二次連勝，佢哋根本未試過聯賽3連勝，今晚佢哋作客韋根勇闖第3關，阿占真係唔多睇好喇。
韋根遇強特醒

講真，阿仙奴真係太依賴兩大重心球員─辛迪卡索拉同普多斯基！每場波幾乎都有佢哋兩個份，其他球員好似謝雲奴、路斯基、艾朗藍斯等全部冇狀態，一旦兩大台柱失準，成隊波嘅表現即時走晒樣，點靠得住呀？咪忘記阿仙奴今時唔同往日，依家佢哋老將偏多，周二凌晨先踢完，能唔能夠咁快回到氣真係難講。

對家韋根依家雖然喺護級區掙扎，不過佢哋專打大老虎，上季贏過曼聯、阿仙奴同利物浦，今季作客亦砌低過熱刺。韋根領隊馬天尼斯有「西班牙雲格」之稱，足球理念同雲格都好似，唔知係咪咁，所以對親阿仙奴都特別醒神呢？今鋪韋根有主場之利，分分鐘搞到阿仙奴一頭煙o架！
頂占筍盤：韋根（讓球主勝）