羅馬一肚火搵AC出氣

猪拉多纳

Ali上輪推介失威，提供羅馬客Ｗ，結果0比1輸咗畀基爾禾，不過有睇場波嘅朋友應該唔會太怪責Ali，皆因執法球證多次誤判都針對羅馬，最終應贏變輸令人氣憤，羅馬捷克教頭施文賽後索性缺席記者會抗議，今晚羅馬主場惡鬥AC米蘭有心出一口氣，預期有大量入球，不過入球大熱到得1.43只宜玩過關，單頭可捧1.75倍嘅羅馬平手盤。

（周日凌晨3時45分開賽）
拉美拿迪斯度齊復出

羅馬係意甲入波最多球隊，除上仗遭球證搶劫外，之前5場賽事全勝共轟入13球，球隊喺今場大戰前接到好消息，兩名箭頭拉美拿同迪斯度雙雙傷愈復出，施文可以排出「433」主攻陣式，預期拉美拿會拍住奧斯華度同托迪攻堅，賽前備戰亦十分積極。

AC米蘭經過開季災難演出後亦重返正軌，近4場聯賽全勝後已殺上第7位，只落後羅馬兩分，球隊亦定下聯賽三甲為目標，爭取下屆歐聯參賽資格，會方亦明白想做到呢點，歇冬期先要增兵，我認為佢哋目前戰鬥力不如羅馬。雖然上仗主場4:1輕取佩斯卡拉，得以歡度球會113周年會慶，但對手太弱未宜高估，AC今仗有左閘安東連尼同中場蒙達利傷愈復出，不過中場尼祖迪莊同射手柏圖因傷缺陣。

今場係由意甲最強攻力球隊對其中一支近況最弗球隊嘅大戰，預期會充滿娛樂性，羅馬有守將李安度卡斯坦停賽，不過以該隊狀態同決心，只要踢番大炒費倫天拿4:2一役嘅水準，Ali堅信羅馬嘅入波會比客軍更多。
Ali 推介：

羅馬平手盤 ★★★★

國際米蘭讓球勝 ★★★★

費倫天拿上盤 ★★★