諾域治勢勁唔赦西布朗

猪拉多纳

歐洲唔少聯賽都已經進入歇冬期，呢啲波嘅投X如無意外會轉移到有直播嘅英超度。但英超呢排進入聖誕新年快車期，往往會出現好多爆冷賽果，大家小心啊！

今晚其中一場係西布朗主場對諾域治，冇留意開呢兩隊嘅朋友，畀你估多十次都唔會估到，依家喺季中佢哋可以排中上游，西布朗排名重曾經上過第三位添！但論近期走勢，諾域治仲好過主隊，今場有受讓似乎就更可取喇！

諾域治自從贏過我愛隊曼聯後，我一直有留意佢哋。佢哋「屠魔會」之後五場聯賽都未輸過，果然唔係虛火，再數一數成績表，原來已連續十場聯賽不敗，氣勢強勁！

今季「金絲雀」作客成績唔算太差，一勝五和三負，雖然勝出率唔高，但起碼不敗率有成六成幾，受讓下值得捧場。佢哋喺呢段快車期仲要面對車路士同曼城，要搶分都幾高難度o架，所以預計會擺放更多精力喺今晚呢場之上。前線最關鍵嘅球員格蘭賀特喺上場聯賽對韋根時受傷退下火線，今晚上陣成疑，但若果大家賽前見到佢個名出現喺正選名單，可以更放心投X。
西布朗鬧入球荒

西布朗近四場不勝僅得一分，球隊又陷入入球荒，近三場冇進帳，面對近期狂入波嘅對手好蝕底。防守中場穆林保累積黃牌夠數要停賽，進一步削弱防守力。當然，街外好多莊家都開西布朗要讓半球，主因都係佢哋主場有優異成績，僅僅排喺曼聯同曼城之後咋！不過近況低沉又有傷停問題，今場想反彈唔係咁易囉！

（有線303及203台周六晚11時直播）
Wendy推介：西布朗 對 諾域治　讓球主客和：客勝