馬體會狂炸切爾達

猪拉多纳

超級地主王衝擊14W

今晚西甲有馬德里體育會守尾門，呢支聯賽二哥於主場迎擊切爾達，雖然兩軍都係新敗，但「床單兵團」上仗不敵巴塞純粹技不如人，射手法卡奧仲入球靚波，狀態依然火紅，相反切爾達疲態畢露，作客又差，馬體會難得遇弱兼坐鎮無敵主場，實為反彈良機，「讓球主勝」咪錯過。

（now 632周六清晨5時直播）

儘管馬體會上仗作客魯營大敗1比4，但靠法卡奧於中場硬爆對方守將巧妙笠過域陀華迪斯，一度領先，只係巴塞實力太強致被反勝，表現委實唔曳。最重要係「床單兵團」應贏則贏，非常正氣，尤其於主場，開季至今共13仗在卡達朗球場舉行的賽事，全部贏晒，呢個數據仲勁過巴塞，證明馬體會於主場出戰係信心之選。
切爾達作客腳軟

另一邊廂，切爾達雖於西盃16強首回合贏過皇馬，可惜該仗耗力太多，板櫈深度又唔夠，以致眾將疲態盡現，上仗主場輸畀貝迪斯便是明證。況且該隊一離開主場就腳軟，今季9仗作客僅贏過薩拉戈薩，其餘8仗輸晒兼失17粒，當中不乏對艾美利亞、CF格蘭納達、華歷簡奴等弱旅，真係見到都反胃，作客卡達朗球場勢必再成待宰羔羊，法卡奧、迪亞高哥斯達有得食點會唔盡情食，加上踢埋呢場就歇冬，馬體會亦想為2012年畫上完美句號，大炒一場回饋球迷，「讓球主勝」冇難度。