西布朗W快扑「錘」

猪拉多纳

話咁快又到12月！小妹期待呢個月來臨好耐，事關呢個月特別多假期，又聖誕，又除夕，啲節目真係多到數唔晒。不過對於班英超球員嚟講就啱啱相反，唔單止無假放，反而仲要開OT，皆因英超聖誕開快車，隊隊都要搶分，就好似今季表現脫胎換骨嘅西布朗亦唔例外，連埋上場輸畀阿仙奴，佢哋喺聯賽已經3連敗，呢場對住作客成績麻麻嘅韋斯咸，係時候贏番場止血，足智彩1.85倍主勝抵買。
韋斯咸作客死火

西布朗近期成績好壞參半，曾經試過連勝4場一口氣攞咗12分，亦試過連輸3場1分都無得落袋。不過睇番西布朗主場成績一啲都唔失禮，打8場贏咗6場，主勝率超過75%，之前仲試過主場擊敗車路士，擺明「地頭龍」格局。事實上，西布朗今季成績咁好，其中一個原因就係成班中前場交到貨，好似沙恩朗同盧卡古分別各入5球，加埋奧丹維治，謝拉同占士摩利臣總共入咗超過20球，證明班波入波能力唔曳之餘，入球點仲分布得幾廣。更重要係主場防守硬淨，至今只係失咗6球波，睇嚟今晚主場出擊有一定保證。只要西布朗喺快車期間搶到分，下季出戰歐洲賽並非冇可能。

另邊廂嘅韋斯咸上場波對住利物浦都打得唔差o架，不過最後倒輸到1分都無，班球員肯定蝕咗道氣。最慘係佢哋作客表現唔多對辦，開季至今踢咗7場作客只係入得5球，呢場對住主場惡慣嘅西布朗，真係捧唔過！。
微博傳情：重投銀行業搵真銀

12月係一個值得開心嘅月份，一來過咗一個好Surprise嘅生日，二來就係我返新工喇，兜兜轉轉，又再次入番銀行業。雖然依家只係Training階段，但每日都要好早起身返工，一時之間真係好唔習慣。不過，我一定會畀心機學，畀心機做，努力賺錢！
Yennie推介：AC米蘭 入球細