羅馬弗爆「大」開殺戒

猪拉多纳

基爾禾心雄搶攻死快啲

今晚意甲基爾禾主場對羅馬，兩軍近期成績都比預期更理想，碰頭預期係一場對攻好戲，相比之下基爾禾防守實在太差，質高一皮兼狀態巔峰嘅客軍羅馬勝算極高，建議捧晒1.5倍入球大同1.85倍客Ｗ。

（周日晚10時開賽）

基爾禾近期兩連勝，近3場意甲保持不敗，聯賽排名亦由降班區升至第12位，上輪以2比0擊敗卡利亞里，更加係球隊今季首次作客贏波，不過唔好忘記佢哋近3場波對手都係護級弱旅，大前仗主場對包尾嘅錫耶納都贏唔到，賽績唔值得高估，教練連哥連尼近期採用較進取嘅「433」陣式得到成效，今仗主場會繼續攻，年僅22歲嘅箭頭柏路斯治近兩仗共入4球着晒火。不過防線實在太差，至今16仗失27球，係意甲第3差，僅比降班膽佩斯卡拉同熱拿亞少，面對羅馬嘅強大攻力玩對攻，Ali相信好難攞到着數。
上仗炒費倫天拿代表作

何況基爾禾今仗有守將尼高拉斯費爾、中場盧斯安奴同華錫因傷缺陣，另外兩名後衞沙度同丹尼利亦有傷上陣成疑，人腳唔齊更睇淡。

羅馬係今季最富娛樂性球隊，16場攻入38球冠絕意甲，而且近期着晒火，上仗以4比2擊敗實力強勁兼當弗嘅費倫天拿，全場攻勢此起彼落，如果鋒將把握得再好啲，甚至有機會入多3至4球，呢場可以話佢哋全攻型足球嘅代表作。

羅馬上周中喺意大利盃半力出擊都以3比0輕取阿特蘭大，現階段冇乜球隊可以抵擋得住。何況賽前喜訊頻傳，幾名主力包括門將史基倫堡、中場迪羅斯、拉美拿同箭頭奧斯華度全部傷愈復出，Ali相信佢哋作客一樣夠贏。
Ali 推介：

羅馬勝 ★★★★

費倫天拿讓球勝 ★★★★

卡坦尼亞勝 ★★★