巴塞皇馬16強分途搏殺

猪拉多纳

韋拿飢渴巴塞「-1」收科

上屆西盃盟主巴塞隆拿弗到漏油，唔單止創下西甲歷來最佳開局，射手美斯更剛以八十六球打破前西德轟炸機梅拿的年度入球紀錄，成隊波洋溢歡樂氣氛，今晚對住近三主場未贏過嘅乙組仔科爾多瓦，就算派副選迎敵都實食冇黐牙，法達斯維推介「讓球客勝」。

（now 632周四凌晨3時直播）
韋拿飢渴巴塞「-1」收科

巴塞主帥維蘭路華繼承前任哥迪奧拿的作風，經常起用拉馬西亞青訓營的新星，尤其是巴塞多線作戰之下，維帥多用新人輪換主力亦無可厚非，好似馬斯巴查、馬田蒙度亞、莊拿芬杜斯山度士、沙治奧羅拔圖均獲得唔少機會，並且由一班老大哥如賓度、馬斯真蘭奴、韋拿等帶住佢哋，成長速度更快。
科爾多瓦乙組都未踢掂

講開韋拿，堂堂西班牙國家隊入球紀錄者，於聯賽已經淪為大後備；自尊心極強的他，誓要喺有限嘅出場時間證明自己，上圈西盃兩戰艾拉維斯攻入六球中，韋拿就包辦三粒，戰意唔使懷疑。相反對手科爾多瓦級數差幾條街之餘，近五場未贏過波，包括三場主場賽事，連乙組都未踢得掂，點樣挑戰「地上最強」呀？巴塞讓半臂都游刃有餘喇！簡單要個「讓球客勝」。
皇馬唔搶韁切爾達「半和」好路

近況反覆嘅皇家馬德里作客切爾達，切軍主場一向硬淨，又擅打拉布，加上「銀河艦隊」剛戰同華拉度列搏得太盡，疲兵再戰未回得切氣，預計兩軍早段會拉成均勢，難分高下，呢場「半場和」最值博。

（now 632周四清晨5時直播）

切爾達有着一般升班球隊特質，就係主強客弱、防守穩健，今季喺自己地頭出戰，幾乎場場開細盤，由於佢哋以體力化踢法同對手抗衡，配合固若金湯防線，有六仗開出「半場和」，可見其韌力十足。況且以伊亞高艾斯巴斯為首嘅鋒線，反擊快速兼銳利，皇馬不得不防。
聯賽激戰未回氣

皇馬剛於聯賽作客險勝華拉度列三比二，防守死球漏洞百出，下半場急於爭勝，只係留低比比同沙比阿朗素兩後衞，全民皆攻下，幾經辛苦先靠奧斯爾射入靚罰球奠勝，成班球員攰到爆，匆匆再戰回唔切氣，預計教練莫連奴會拖慢番節奏睇定嚟食，並讓部分主力休息，合晒切爾達胃口，「半場和」分頭唔錯諗得過。