巴勒莫搞寸干地復出派對

猪拉多纳

喺剛過去嘅最後一輪歐聯分組賽，全城焦點薩克達對祖雲達斯未能開出1.9倍和波，仲爆出最冷嘅3.6倍客W。其實自從2004年歐國盃瑞典和丹麥之後，近年多次被炒作嘅所謂「世紀和波」，印象中一次都開唔到，包括2010年烏拉圭對墨西哥嘅世盃分組賽，以後遇上相同情況，大家都係唔好亂跟。
巴勒莫近6次意甲主場不敗

祖雲達斯唔聽話贏埋薩克達，爭取到歐聯首名出線資格，今晚喺意甲作客巴勒莫，有坐咗4個月波監嘅主帥干地復出，咁代唔代表值得追多鋪呢？相信未必，首先干地早前雖然要服刑，但基本上都喺看台遙控發功，今戰喺番場邊督師，威力唔見得會倍增，再者祖記自從被國米打破跨季不敗身後，近5場聯賽亦只係贏得兩仗，演出漸見唔穩定，今仗亦有射手基奧雲高停賽，1.56倍客W絕對唔抵玩。

主隊巴勒莫近10戰雖然只係贏得兩仗，不過佢哋近6次意甲主場都未輸過，上仗造訪聖西路亦只係以0:1僅敗畀國際米蘭，戰力其實唔曳，受讓要2.2倍「讓球主勝」。

（中央5台周日晚10:00直播）
足球重心：巴勒莫（讓球主勝）、韋拿先發（6.上述事件沒有發生）

馬膽推介：5場(1)天久

今仗雖然排喺12檔，但上仗8成水準都夠贏短途預賽，級數明顯係本土頂級，今仗以十足狀態應戰，憑主場之利可望擊退外隊。