高雲地利好大喜攻

猪拉多纳

英格蘭聯賽錦標踢到第3圈，阿King睇中場英甲內訌，高雲地利主場對錫菲聯，高地近期進攻火力大增，前面幾個主將當弗，成為唔少大盤客愛隊，今次轉戰盃賽繼續大踢進攻足球，入球大係投X首選！

（周三凌晨3時45分開賽）

高雲地利目前位列英甲中下游，但近況絕對唔曳，計晒聯賽同盃賽，佢哋近8戰贏6場，班波愈踢愈有信心，隊中進攻主力麥舒菲爾、麥哥迪克同卡爾巴卡等踢到上晒身，近期大軍曾經作客5比0大炒哈特普爾，演出好鬼對辦。

高雲地利當弗，今次面對英甲前列球隊錫菲聯會繼續攻，佢哋近7戰6場開大，今次追多口大啦！
普利茅夫捱「細」界

跟住睇另一場英乙對決，普利茅夫主場對牛津聯，兩班波都係普通料，但普利茅夫近況衰到不得了，對上8戰輸7場，當中5場冇入波，火力弱到冇朋友，今次面對同級球隊都係冇優勢，預期入波偏少，推介細盤。另外，英甲大軍克魯主場對唐卡士打，兩軍同樣剛於足總盃出局，對盃仔更冇興趣，今場士哥唔慌多，要細盤。