賀芬咸擺明充大頭鬼

猪拉多纳

德甲早場賀芬咸主場鬥雲達不來梅，兩軍啱啱都遭逢慘敗，防線同樣差到暈，今晚對碰大家都希望谷底反彈，必然對攻，當中賀芬咸更揚言喺主場擺大個頭強攻，Alwin深信1.6倍入球大係投X首選。

（有線61及201台周日晚10時30分直播）
不來梅利箭復出

賀芬咸上仗作客慘敗於紐倫堡腳下，防線演出簡直係災難，球隊至今失球數字係德甲最多，賽後賀芬咸球迷群情洶湧要求教練巴布離隊，搞到新任球會經理，前史浩克名將安祖亞斯梅拿要出嚟安撫，不過佢話無論如何，巴布都會喺今晚對不來梅之役帶領球隊打翻身仗，而巴布亦表明會盡一切努力幫助球隊衝出困境，今晚佢哋會首次起用雙箭頭搶攻，上仗任單箭頭並取得入球嘅小將舒普洛克，會同皇馬借將祖斯盧合作攻堅。

至於不來梅上仗亦主場慘敗於利華古遜腳下，防線畀對手直線話破就破，佢哋今季所有作客嘅聯賽都入得失得，今仗有箭頭阿拿奧杜域病愈復出，當然會同賀芬咸對攻，入球又點會少？

Alwin 推介：

賀芬咸大 ★★★★

拿玻里讓球勝 ★★★

利雲特讓球勝 ★★★