格蘭納達回穩恰愛奴

猪拉多纳

今日戲碼睇落只係一般，但其實都有唔少好嘢，西甲早場賽事ＣＦ格蘭納達主場對愛斯賓奴，兩支下游球隊今季戰績同樣麻麻，但計演出格蘭納達唔算曳，佢哋經過連場失分後，今次對住榜尾球隊係反彈良機，讓平半抵玩，上盤有計！（now 632周日晚7時直播）

格蘭納達係典型主強客弱型球隊，除早前作客爆冷贏神經刀貝迪斯外，整體演出都係主場較好，佢哋聯賽主場三連敗，輸到人怕，不過，呢班波啱啱已喺盃賽贏番場，總算暫時回穩。愛斯賓奴愈踢愈唔對路，近期頻頻輸波，而且欠缺士哥能力，評級不斷降低，再咁搞法隨時降班，今場可以再反。
利雲特頂得住切爾達

同日另一西甲賽事切爾達主場對利雲特，利雲特睇落唔起眼，但踢落相當硬淨，上次主場對班霸巴塞根本冇心同對手硬撼，大敗賽績可以抹咗去，佢哋近期於客場演出平穩，連續幾場唔使輸，今場面對切爾達相信可以延續靚績，受讓相當着數，呢隻下盤亦可一試。

（now 632周一凌晨2時直播）