泰國炒唔起讓球和抵玩

猪拉多纳

打波至嚟落雨，乜都可以發生！所以今日東南亞錦標賽A組賽事，泰國主場對緬甸雖然強弱懸殊，但係睇番小組首輪啲波有啲冷味，緬甸又試過雨戰打和越南，今場都係咪博泰國大炒，冷敲個4.7倍「讓球和」抵玩啲。

（now671台周二晚9:20直播）
南韓教頭執正緬甸

泰國係今屆賽事東道主之一，畀人捧成奪標熱門，揭幕戰佢哋2:1小勝菲律賓，今場再贏就小組出線，按道理一定會狂隊緬甸。但泰國嗰件中場大腦方拿奧又有傷，落唔落得場仲係兩睇，加埋舊年泰國主場兩戰緬甸係就係一勝一和，不過贏嗰場只係1:0，邊個敢話佢哋炒硬對手呢？

而且緬甸由南韓教頭朴成華揸旗之後，成隊波紀律性強咗，作戰能力提升，尤其佢哋自己知自己事，對住強隊唔會貿然亂攻，上場雨戰除咗頭25分鐘主動出擊，打越南一個措手不及，其他時間攻守都幾有章法，嗰件後上中場基恩連仲好有威脅添，連泰國主帥舒哈化都話要防佢，撞啱天氣預報話今日曼谷有雨，今場波緬甸未必會大敗o架。
東南錦賽制

8支球隊分2組，每組4隊進行單循環分組賽，每組首2名將進身4強。