皇馬大騷撐寸王

猪拉多纳

副選夠飢渴 數爆丙組仔

今晚有6場西班牙盃第4圈次回合受注，多支西甲球隊回師主場迎敵，包括新敗嘅皇家馬德里，坐鎮巴拿貝球場迎戰丙組仔艾高恩奴。雖然話「銀河艦隊」已領先緊3粒，但一眾後備如「新魯爾」艾華路莫拉達、卡卡等，一定會趁住呢種場合盡騷哥利，以博取「寸王」教頭莫連奴歡心，戰意唔使懷疑，艾高恩奴都係等炒格，大細中位數調至3.5球都要揀大盤。

（now 632周三凌晨4時30分直播）

上輪聯賽皇馬作客輸畀貝迪斯，賽後莫連奴暗寸球隊高層不夠支持佢，即畀會長皮里茲寸番轉頭，話莫帥藉口多多，叫佢少說話多做事喎。因此，儘管首回合領先艾高恩奴4比1，但莫帥都想於主場用一場大勝，以塞住「阿皮」把口。預計莫帥會收起C朗、沙比阿朗素、比比、卡斯拿斯等主力，不過你睇吓佢哋後備席，有莫迪歷、卡卡、荷西卡利祖、卡維奴、艾華路莫拉達等球星，點踢都炒得喇。

其中卡卡每次獲得上陣機會都交足貨，對住丙組仔艾高恩奴係時候發威，而艾華路莫拉達亦要證明自己無愧「新魯爾」之名，一定搏盡爭士哥，呢仗入波唔會少，大盤有計。
華拉度列頂得住貝迪斯

較早時間開波嘅賽事，貝迪斯主場對華拉度列。華軍首回合有一球在手，為保住優勢，今戰作客對住貝迪斯定必以守為先，「讓球主客和」受讓有1.85倍抵捧。

（周三凌晨2時30分開賽）
西盃推介

華拉度列 讓球客勝

華歷簡奴 大

皇家馬德里 大