法卡奧啞火馬體會細抵博

猪拉多纳

過往巴塞隆拿喺西甲出場，足智彩例必會開「首名入球」，不過今日情況就有啲唔同，利雲特對巴塞場波只係得美斯嘅「先發項目」，畀大家估吓球王入波先定開角球先，相反馬德里體育會主場對西維爾一戰，反而有「首名入球」項目，等大家捧吓法卡奧場，不過呢位馬體會首席射手近期陷入球荒，撞正西維爾又有箭頭尼格度養傷，今戰最啱就係捧2.05倍入球細。

（now632台周一凌晨2:00直播）
西維爾首席射手尼格度打柴

法卡奧今季入親都係靚波，季初仲要keep住多產，好難唔成為馬體會嘅icon，就算年底冬季轉會窗留得住佢，下季都好難唔走人，可惜佢近期腳頭無靈，已經連續3場聯賽冇波入，好彩馬體會勝在防守都唔差，近3戰全勝兼保持不失，雖然絕少大炒，但勝在夠晒穩陣。

對手西維爾上場喺塞維利亞打吡怒炒貝迪斯，總算踢番場爭氣波，只可惜首席射手尼格度勇戰受傷，要到12月先可以復出，呢位首席射手今季暫時有7球進帳，佔成隊波總入球4成，至於頂上嘅巴巴迪亞華拉今季加盟後都仲未開齋，可想而知西維爾嘅火力必受影響，撞正近期甚少大手交易嘅馬體會，入波都係一球起兩球止。
足球重心：馬德里體育會（入球細）、特林素（讓球客勝）

馬膽推介：3場(8)太陽好好

今季加盟賀賢馬房後有明顯進步，上仗於田草1200米輕勝令人眼前一亮，有力擊退上場無故大敗嘅「馬主明星」同埋「喜蓮芳芬」。