新加坡贏默契唔怕馬來西亞

猪拉多纳

東南亞錦標賽B組重頭戲今晚上演，東道主之一嘅馬來西亞喺吉隆坡對新加坡，唔似讓得起。雖然馬來西亞有葡乙前鋒沙蘭尼孭飛，但新加坡勝在夠默契，又有5個歸化球員助陣，當中嘅「中國力量」邱禮同施佳懿，有本事幫手開1.66倍「讓球客勝」。

（now670台周日晚8:45直播）

馬來西亞上屆歷史性奪得冠軍，現時効力葡萄牙體育會嘅射手沙蘭尼，原本有份出戰，點知因為出戰亞運足球賽傷咗，等到今屆至有機會喺大賽上位。除咗佢，現時馬來西亞仲有個上屆神射手穆沙利，個人o趙5粒成為捧盃功臣，今屆繼續有份玩。

不過咁，馬來西亞根本唔齊腳就開始踢熱身賽，睇見佢哋最近同香港、孟加拉踢成1:1贏唔到，就知道斤両有限。另一方面，新加坡上屆衰到分組賽出局，近期熱身賽表現都唔掂檔，但今次大軍有12個球員來自國內聯賽亞軍新加坡12獅，默契贏晒。
42歲杜歷治寶刀未老

事實上，新加坡喺熱身賽以4:0大炒巴基斯坦，總共有8個來自12獅嘅球員，當中包括中國出世、有份入波嘅中場施佳懿，至於上屆因傷缺陣嘅前鋒邱禮，就等緊機會搶正選位，而且波斯尼亞出世42歲射手杜歷治寶刀未老，上場熱身賽唔執輸入番粒，係時候省番靚招牌！

東南錦B組