史雲斯硬淨受讓筍

猪拉多纳

羅渣士倒戈 利物浦冇料到

早兩日小妹打扮到成個OL咁去見工，見工過程可以話係難關重重，又要見呢個主管，又要見嗰個經理，仲要做埋啲能力測驗，前前後後足足搞咗半日有多。坦白講，見工唔係辛苦，唯獨係對死人高踭鞋，愈行愈痛，如果第時要我好似一般OL咁，日日都咁着咪大件事？

保護雙腳真係好緊要o架，尤其係靠對腳搵食嘅球員，就好似西班牙後上王米捷咁，史雲斯有咁好表現，都係全靠佢有料得嚟仲識保護自己，好少受傷，今晚史雲斯主場對住利物浦，梗係捧1.75倍嘅「讓球主勝」啦！
上次對賽史雲斯贏3:1

升班球隊通常都畀人一種唔多夠砌嘅感覺，好多時仲做埋升降機添，但係呢隊史雲斯就有啲唔同喇，上季佢哋初戰英超就位列11，算係有晒交代，到季前領隊羅渣士帶埋幾位愛將轉投紅軍，一眾球評家都睇死佢哋玩完，不過今季史雲斯竟然「活得比你好」，家陣喺聯賽6仗主場只曾1敗，聯賽排緊第10，上次主場仲成功喺車路士身上搶分添。雖然呢班波陣中冇咩大牌球星，但勝在整體實力平均，兩個中場柏保路靴南迪斯同尼敦戴亞近期都有士哥，加埋班忠實球迷支持，今晚又點會怕利物浦先？
紅軍近5戰作客得1勝

反觀羅渣士領軍嘅「利記」，今季將「海鮮波」戰術發揮得淋漓盡致，而且佢哋狀態低迷，喺各項賽事近7戰只係贏過1場咁大把，雖然掛名係「Big4」，但真正實力有幾多，都唔使我多講，依家都只係排第11，仲衰過史雲斯！睇番上次兩班波喺聯賽盃交手，紅軍主場出擊都要輸1:3，今鋪作客仲點砌呀？仲有呀，利物浦近5場作客聯賽只係贏過1場咋，小妹唔覺佢哋有本錢讓波囉。「若要生活好，咪買利物浦」，今晚一於撐「讓球主勝」啦!
微博傳情：宏師兄新婚快樂！

11月19號，係宏師兄同家慧結婚嘅大日子！宏師兄一向當我好似親細妹咁，上年睇住佢求婚，好感動，到依家話咁快就完成婚禮，時間過得真係快！今年農曆新年記得要封番封大利是畀我呀！
Yennie推介：史雲斯（讓主）