馬賽聚焦狙擊里爾

猪拉多纳

今季法甲爭霸形勢空前激烈，榜首位置好似音樂椅咁，列強輪流坐，未計昨晚賽果，前7名球員只有3分差距，不過Leni唔會畀目前混亂形勢迷惑，皆因一早認定只有馬賽可以挑戰富豪球會巴黎聖日耳門，今季法甲冠軍係非此即彼。
里爾下滑作客水皮

馬賽今晚主場對里爾（周一凌晨4時開賽），算係褪色大戰，皆因里爾現時實力已經大不如前，又要兼顧歐聯賽事，雖然佢哋啱啱喺上周中歐聯分組賽贏咗巴迪挽回些少面子，不過由於之前4連敗，已經正式出局，佢哋整體戰鬥力不足，今季雖然有前車路士球員沙洛文卡勞加盟，但不足以補償離隊球員嘅損失，法甲基本上無力爭雄，何況佢哋作客好水皮，上輪面對實力平平嘅羅連安特都要輸，今仗仲係佢哋一星期內法甲加歐聯連續第3場作客賽事，球員體能唔易頂。

當然，馬賽都啱啱踢完歐霸盃，仲輸埋畀費倫巴治出局添，不過佢哋對歐戰嘅態度遠不如里爾認真，大將包括尼高拉斯尼古路等喺歐霸都冇落場，擺明將焦點放番喺法甲，Leni深信馬賽戰鬥力在里爾之上，今晚主場小讓平半，上盤值得捧場。
Leni 推介：

馬賽上盤★★★★

聖保利大★★★

利斯菲體育會勝★★★