貝迪斯細做皇馬攔路虎

猪拉多纳

今晚西甲壓軸尾場，由異軍突起嘅貝迪斯主場追擊皇家馬德里，前者今季一遇到強隊，經常擺出攔路虎嘅姿態，踢得分外起勁，點都唔畀你贏得輕鬆，相反「銀河艦隊」射手C朗近期腳風好唔順，加上剛踢完歐聯攰到爆，隨時令賽事處於膠着狀態，入球唔慌多，捧細最好。

（now 632周日清晨5時直播）
C朗冇火 皇馬攰爆

貝迪斯對親強隊就嚟料，今季屢見不鮮，其中勇挫基達菲同華倫西亞尤其精彩，「綠白軍」一改以往雙翼齊飛嘅套路，以技術出眾嘅中場比納特為核心，令攻守井然有序。

皇馬剛周中先同曼城激戰一場，下半場仲有守將艾比路亞領紅被逐，尾段畀曼城攻到氣咳，唔輸都偷笑，成班波攰到爆，前鋒賓施馬仲負傷離場，加上近排同皇馬關係緊張嘅射手C朗，近五仗有四場交白卷，對住眾志成城嘅貝迪斯，隨時陷於僵局，今仗大細中位數調至3.5球，揀番細盤。