拿玻里有心攞A

猪拉多纳

今晚Macot重點出擊場次係F組瑞典AIK蘇納主場對意大利拿玻里，拿玻里實力明顯高一皮，今晚充滿誠意爭出線，建議強捧1.7倍客勝。

（有線63及203台周五凌晨4時05分直播）

正如我哋嘅意大利戰友Ali評價，拿玻里係今季意甲爭霸要角，但對歐霸盃一樣充滿野心，從過去幾場分組賽用人所見，佢哋並冇敷衍了事，由於目前處於爭出線重要關頭，教練馬沙利今晚帶強陣到訪瑞典，除咗有傷嘅彭迪夫同費達歷高費南迪斯外，基本上帶齊所有主力，戰意值得信賴。
AIK蘇納收咧狀態回落

AIK蘇納喺上輪分組賽曾經爆冷贏荷蘭燕豪芬1比0，不過燕豪芬對歐霸盃好唔重視，而且值得注意嘅係瑞典超級聯賽已經收咧，AIK蘇納已經有兩個星期冇比賽，情況就一如前晚歐聯嘅白俄羅斯球隊巴迪一樣，狀態隨時走晒樣。拿玻里分組賽主場曾經以4比0大炒AIK蘇納，今場作客就算打多少折扣，客W機會依然高唱入雲。
Macot推介：

拿玻里勝 ★★★★★

馬賽勝 ★★★

尼菲治大 ★★★