安德列治正宗「細」界仔

猪拉多纳

最叻死守唔怕AC

目前歐聯C組除咗馬拉加肯定晉級，其餘3隊都仲有機會出線，所以今輪戰果絕對係定生死。今晚比利時班霸安德列治喺主場迎戰意甲勁旅AC米蘭，兩軍鋒力都咁疲弱，「張峰」相信今戰會係一場「細」均力敵嘅比賽，1.7倍入球細係心水之選。

（有線63及203周四凌晨3:45直播）

「張峰」先分析吓個C組形勢，「西甲窮鬼」馬拉加一枝獨秀，踢咗4輪比賽攞到10分提早出線，真係令好多球迷始料不及，至於被外界一致睇好嘅意甲傳統名牌AC米蘭，依家只係得5分守住個第2，安德列治落後1分排第3，就算包尾嘅辛尼特都有3分喺手，換句話講，3隊都仲有權入16強，認真好睇過戲！
安德列治分組賽4戰入1粒

今晚先喺主場出戰嘅安德列治，勝在有自知之明，認清實力唔夠加上唔擅長主攻，所以無論主場定作客，對手係馬拉加定辛尼特，都一定先做好防守工作，分組賽4戰先入得1球，就係最好例證。雖然呢種踢法悶死街坊，但夠晒實際，起碼到依家都仲有機會出線先吖。

近5戰得1勝嘅AC，今季放走咗伊巴謙莫域、堤亞高施華，施多夫又約滿離隊，戰鬥力大不如前。雖然爛船都有三斤釘，AC想出線仍有一定機會，但係「三斤釘」對住決心穩守突擊嘅安德列治，睇怕最多只能小勝，今場個1.7倍嘅入球細真係好路到極。
張峰推介：安德列治（入球細）