羅馬「大」冇甩拖

猪拉多纳

喪攻娛賓遇弱啱胃口

本輪意甲壓軸羅馬主場對拖連奴，今季捷克教練施文執教羅馬，令球隊娛樂性大增。總之有前冇後打死罷就，一於攻到對手慌為止。而今場次對住弱隊拖連奴，可謂合晒羅馬胃口。羅馬今場肯定會保持慣常嘅進攻打法，向住拖連奴不停「炮轟」。預料入球數字唔會少，大細中位數3.5球照捧大盤。

（周二凌晨3時45分開賽）

羅馬傷停球員比較多，但最重要係幾位進攻重心包括托迪及拉美拿都可以如期上陣，絕對唔擔心主隊火力會受影響。留意到羅馬近五場比賽，無論對手係強定弱，每場都保持「有前冇後」嘅心態，最少與對手炮製五個入球，真係唔到你唔服。今次面對弱隊拖連奴，羅馬球員進攻時會更加放任。
拖連奴突擊搵到食

至於拖連奴去到首都奧林匹高球場亦不會坐以待斃，肯定會伺機突襲以圖攻破羅馬脆弱防線。預料今場雙方都有唔少攻門機會，總入球數字要超出中位數3.5應該唔難，大盤可捧場。