紅軍主勝率低難啃韋根

猪拉多纳

轉眼嚟到十一月，冬季轉會窗仲有個零月就重開，依家有傳曼城會用5,000萬鎊，收購利物浦前鋒蘇亞雷斯。雖然紅軍依家靠晒「哨牙蘇」入波，但佢係正宗麻煩友，如果個價去到咁高，畀着細鬼係利物浦老細，肯定第一時間放人。
蘇亞雷斯有好價要賣

蘇亞雷斯加盟利物浦後，表現真係唔錯，但佢性格的確有問題，上季無喇喇整單種族歧視艾拉，又周時有意無意插水，已成為英超賽會針對對象，所以遇着好價位，應該當機立斷放走佢。雖然佢目前係球隊絕對主力，但呢個世界冇話冇咗邊個唔得，特別當你個袋有錢嘅時候，你慌買唔到代替品咩！

今輪利物浦主場鬥韋根（有線304及204台周六晚11時直播），主Ｗ得1.35倍，熱到根本冇肉食。查實紅軍本季聯賽主勝率不及2成，而且近5次對賽都冇贏過，細鬼寧捧韋根「讓球客勝」！