「雙卡」冇料到悶戰捱「細」界

猪拉多纳

周日凌晨有兩場意甲舉行，頭場上演「雙卡」大戰，由卡利亞里主場對卡坦尼亞。上月初卡利亞里換教頭由佩加執教後，球隊成績有顯著改善，但上輪聯賽以一比四不敵費倫天拿，證明新帥效應已經完結，今場未必可以順風順水。至於卡坦尼亞聯賽作客未贏過，客場平均入球數字不足一粒，主強客弱特點相當明顯。兩支球隊都欠制敵本錢，預料今場戰局會偏於平淡，細盤可取。

（周日凌晨1時開賽）
祖記發憤「-1」照捧

尾場由佩斯卡拉主場對祖雲達斯，上周「斑馬兵團」於國家打吡不敵國際米蘭，但球員並未因此而被擊沉，周中喺歐聯即大炒洛斯查蘭特。正如仍在禁賽期嘅教練干地所講，慘痛落敗未必係壞事，反令球員有自我反思機會，今次面對升班球隊佩斯卡拉，相信受過教訓嘅祖雲達斯可以輕取對手，繼而保住積分榜領先地位，今場留意「讓球客勝」。

（中央5台周日凌晨3時45分直播）