雷丁鬥諾域治 玩「角球大」

猪拉多纳

今晚特別項目嘅心水係雷丁主場對諾域治。「讀書人」自從獲得俄羅斯高大中鋒普格恩耶克助陣後，該隊嘅高空攻勢更加凌厲，而另外兩位前鋒羅拔斯同路爾亨特亦係衝得撞得之人，令對方守將好難頂得住，因此近兩聯賽均開角球大。至於諾域治方面，其大隻佬中鋒格蘭荷特雖然冇速度、唔夠快、腳法渣，但勝在制空力強，佢嘅頭槌攻門同二傳經常令對方禁區險象環生，以上仗迎戰高佬多嘅史篤城為例，淨係「金絲雀」一隊便製造咗9個角球，真係青出於藍，遇上雷丁一定空戰連場，預計角球唔會少，今仗揀角球大實冇死。另一場英超阿士東維拉對曼聯，由於紅魔射手尹佩斯包辦晒右路嘅角球，因此他首先「開出角球（4）」嘅機會極高。