修咸頓大眾首選

猪拉多纳

外籍大戶喺周中歐聯畀啲名牌球隊玩謝，反曼聯同拜仁中招，捧巴塞又出事，處處碰壁，強如呢類賭博專家一年都會有三幾次計錯數，莊家喺大戶災難日又執唔少！講番今次推介，英超升班馬修咸頓路數易捉，長追大冇壞，今周主場對史雲斯再捧大盤！

（有線304及204台周六晚11時直播）

英超踢咗10輪，修咸頓基本上定晒型，防守評級係聯賽最低，失波數字高企，計攻力就有英超中游水平，呢個攻守組合特別旺大。「聖人」季初條大盤路長且順，大盤客當正佢哋係銀行隊狂追，上場雖然罕有開番場細，但無損支持者信心，呢次返到主場鬥史雲斯，兩隊都有士哥本錢，睇怕又會合演另一場入球騷，大盤有買趁早！
博漢堡反彈揀下盤

同日德甲球隊拜仁慕尼黑主場對法蘭克福，拜仁今季實力超強，上場歐聯大戶錯估形勢玩里爾下盤，搞到焦頭爛額，真係唔好亂反呢班波！法蘭克福季初銳氣已洩，仲要再作調整，今次鬥惡爺隨時大敗，可留意大盤。另漢堡已走出低潮，上仗輸畀超班嘅拜仁不能苛責，今次對弗賴堡對手實力弱好多，係時候反彈，要下盤！

英超方面，名牌球隊曼聯周中歐聯贏布拉加場波有啲疑點，個場無故熄燈，之後布拉加門將離奇出迎失波，難免令人有好多聯想，無論係真係假，一切已成定局，肥叔都唔希望見到呢啲爭議場面經常出現o架！
肥叔心水

拜仁慕尼黑大

漢堡下盤

新特蘭下盤

修咸頓大

史篤城上盤

阿士東維拉大

馬拉加上盤