貝迪斯彈起主Ｗ唔蘭

猪拉多纳

今輪西甲頭場賽事由貝迪主場對CF格蘭納達，今季貝迪斯認真犀利，積分榜排名只低過馬德里雙雄及巴塞隆拿，競爭力毋須懷疑。至於CF格蘭納達今季就踢不出水準，面對走勢良好嘅貝迪斯難免會處於下風，雙方實力有一定差距，主W值得留意。

（周六凌晨4時30分開賽）

貝迪斯今季喺聯賽已取6場勝利，單講勝出率拍得住皇馬。有留意西甲嘅球迷都知道，貝迪斯上季演出不佳，排名更曾跌到第17位，今季成績突飛猛進，全因幾位「90後」球員開始成熟，後生球員肯放下個人主義，以球隊勝利為最大目標，爭勝能力自然有所提升。CF格蘭納達已經連輸4場，球員士氣難免受影響。另外要留意一點，老闆普素名下三支球隊當中，以CF格蘭納達受重視程度最低。老闆既然冇乜要求，球員對於成績亦唔會太着緊。基於CF格蘭納達入球能力較差，故今場除揀選主W之外，細盤亦可以兼顧。