喜鵲飛去比利時搵食

猪拉多纳

布魯日來者不拒

紐卡素今晚喺歐霸盃D組對住狀態低沉嘅布魯日，雖然「紐記」作客未開齋，但佢哋過往對住比利時球隊全勝，今仗仲有得受讓平半，1.82倍下盤抵捧。

（有線64及204、廣東體育周五凌晨2:00直播）
布軍5連敗勁失12球

事實上，布魯日過去8次喺比利時迎戰英格蘭球隊，雖然拎到6勝1和1負成績，不過呢支褪色班霸近排陷入低潮，錄得5連敗喪失12球，今場波又有件中場主力約拿芬邦度因為儲夠黃牌要坐波監，攻守串連受影響，憑乜讓波先？

相反，紐卡素係就係作客未開齋，但佢哋只係得兩場波輸咗，對手仲要係曼聯同車路士兩隊班霸添。講到陣容，「紐記」上次踢歐霸，中場大將卡比耶、奧巴坦都有落場，前線兄弟艾美奧比同森美艾美奧比亦有份數胡，再講，「喜鵲」過去7次對比利時球隊錄得全勝，今晚就算贏唔到，怕且都唔會輸啩！

歐霸盃D組