賓菲加盤口硬淨見真章

猪拉多纳

歐聯G組巴塞隆拿一枝獨秀，餘下三隊爭一個出線席位，論名氣同實力，葡萄牙勁旅賓菲加始終高啲，佢哋喺分組賽戰績麻麻，但今次回師主場對莫斯科斯巴達飛數好硬淨，似乎開齋格，讓得多都唔怕，要上盤！（周四凌晨3時45分開賽）

賓菲加今屆喺歐聯唔多順，三戰過後僅得一分，輸畀巴塞冇得講，但對住其餘兩隊贏唔到真係令人較為失望。論人腳，佢哋喺呢組僅次於巴塞，正路計唔應該打得咁差，大軍分組賽戰績曳，並未有換來理想盤口，今場佢哋一樣讓得狠，部分莊家開到讓一球，部分甚至開讓一球、球半，個盤異常硬淨，睇嚟係時候見真章！老實講，莫斯科斯巴達只係歐洲二、三線球隊，離開主場惡唔出樣，呢場捧主隊！
巴塞讓些路迪過晒火

同組些路迪主場再戰巴塞，些路迪上次作客魯營差啲守和對手，雖然最後頂唔住，但贏盡口碑。由於兩隊實力評級差距太多，些路迪今場主場出擊都受讓球半兩球，巴塞又係讓多咗，今季佢哋不時出現贏波輸盤情況，大家真係要小心，肥叔認為呢場都係下盤格！（有線62及202台周四凌晨3時45分直播）