基達菲貝迪斯啞火冇攻「細」

猪拉多纳

今晚西甲有基達菲主場迎戰貝迪斯，雖然雙方都喺聯賽榜位居前列，可惜主隊喺自己地頭唔識入波，貝迪斯作客又啞火，邊隊秤先真係好難講，所以小妹相信呢場入波唔慌多，咁梗係建議玩1.77倍入球細啦！

（now632台周二凌晨4:30直播）
作客蟲近3仗食白果

基達菲今季喺主場表現最好嗰次，當然要數開咧初期贏皇馬一戰，衰在除咗呢場波之外，佢哋就未試過喺自己地頭入多過1球，唔好睇佢哋上場西盃作客入4球咁把炮，嗰場嘅對手只係西乙嘅邦費拉甸拿咋！枉佢哋個中場沙拉比亞仲可以懶自豪咁話隊波其實好猛火，今場返到西甲，真係勁有可能打回原形！

對家貝迪斯雖然排喺聯賽榜上游，但最弊佢哋係正宗「作客蟲」，作客近3場不勝兼1球都入唔到，隊波如果唔係主場戰績驕人，排名肯定慘不忍睹！各位球迷今晚想睇入球騷嘅話，呢場波就唔係咁啱你喇！