漢堡死穴多難抗拜仁

猪拉多纳

Oliver同黑柴一樣，都係忠實漢堡粉絲，當我哋見到漢堡喺9月底終結咗多蒙特31場不敗身時，實在興奮莫名，今晚漢堡主場迎戰班霸拜仁慕尼黑，德國電視台賽前宣傳片都播番該場嘅片段，期待漢堡再次打老虎，不過Oliver喺呢度只有長他人志氣，拜仁今仗贏兩球或以上至係最可能出現嘅賽果。

（有線61及201台周日凌晨1時30分直播）
金身被破 誓打翻身仗

今季嘅拜仁實在超班，上輪聯賽主場被利華古遜打破不敗金身，主因係欠缺運氣同「國王」列貝利缺陣，列貝利今季踢出加盟拜仁後嘅最好表現，今仗回歸將會成為漢堡嘅噩夢，拜仁周中幾乎用全副選輕取凱沙羅頓，後備兵源之強令人咋舌，球隊輸完波後誓打翻身仗，目前冇乜邊隊德甲球隊可以抵擋。

漢堡自雲達華治回歸後大有起色，近期南韓鋒將孫弘民同天才小將比斯達愈踢愈進步，加上擁有目前全德甲甚至全歐洲最弗嘅門將艾達把守最後一關，球隊戰鬥力的確提升不少，不過Oliver最清楚漢堡防線，一雙中堅文切尼同韋斯達文速度太慢係死穴，近期甩漏多嘅右閘戴克美亞面對列貝利更肯定成為缺口，今仗難頂拜仁強攻，推介「讓球客勝」。
Oliver推介：

拜仁慕尼黑 讓球勝★★★★

漢諾威 勝★★★

雲達不來梅 大★★★

Oliver

綽號：足球顧問

37歲，德國漢堡出生，現居於秘魯，曾於德國擔任報章及網上全職德甲及德乙球評人逾十年，亦曾為多家菠菜公司擔任操盤手，2009至2012年創辦收費足球資訊雜誌22Legs，今年起改任菠菜公司及大戶私人顧問，電郵：OliverBundesliga@gmail.com