愛華頓回塘平手撐富咸

猪拉多纳

雖然英超今季球證判決引起好多爭議，唔少人批評賽會管理差，不過，賽事整體水平高，競爭大，即使中型班對決一樣咁好睇，依家始終都係全球最受歡迎賽事。今次肥叔都係揀場英超做重心，富咸主場對愛華頓，平手盤捧主隊！

（有線301及201台周六晚11時直播）

富咸今季流失主力丹普西及迪比利等主將，但同時簽番貝碧托夫同柏歷等優質新兵，實力評級冇乜改變，佢哋嘅特性都冇變，仍然係主強客弱，今季喺主場淨係輸過畀富豪球會曼城，其餘幾場全部贏晒，搏殺成功率極高，惡氣十足。愛華頓經過季初一輪急攻搶分後近期連場和波，個勢稍為回落，平手盤都係捧主隊穩陣！
多蒙特讓唔起史特加

嚟緊周中又有歐聯上演，肥叔不厭其煩再次提醒大家，揀波要一定睇球隊前3場同後3場嘅表現，今周多支名牌球隊都有後顧之憂，讓得多要小心，若然計掂數，直頭反佢哋都仲得！德甲勁旅多蒙特下場惡戰皇馬，今周聯賽對史特加唔易踢，贏都未必贏到，仲要讓得多，完全靠唔住，博下盤！
肥叔心水

曼聯 上盤

史特加 下盤

禾夫斯堡 平手盤

富咸 平手盤

史雲斯 下盤

基爾禾 下盤

韋斯咸 下盤

馬德里體育會 平手盤