獨立隊弗爆追擊天大

猪拉多纳

明早續有南美球會盃8強首回合賽事，阿根廷兵團獨立隊主場迎戰智利球隊天主教大學，獨立隊已走出低谷，最近連贏5場，打起信心及士氣，勒都勒唔住，配合地利優勢，要盡數對手，為晉級奠定基礎。「天大」防線紙咁薄，近3場作客狂失11球，抵擋唔住當勇既獨立隊，1.72倍主勝屬首選，甚至可以博3.1倍「讓球主勝」。

（周五早上8時45分開賽）

獨立隊今季阿甲開季後，連埋盃賽，試過連續10場無法於法定時間90分鐘取勝，不過呢段黑暗時期已經過去，佢哋由9月尾一口氣連贏5場，包括上圈南球盃兩回合都擊敗烏拉圭球隊蒙特維多利物浦，表現充滿說服力。獨立隊難得重上正軌，希望收復之前失地，每場比賽都會搏盡。由於南球盃採取兩回合制，主場一戰非常重要，獨立隊必定把握地利優勢，爭取贏多幾球，以免次回合作客被對手反超前。以獨立隊目前強勢，勝算甚高，而且好可能唔止贏一球。尤其係天主教大學防守非常差，近7場比賽都有失波，上圈南球盃造訪巴甲包尾球隊戈亞尼恩斯，都輸1比3，今仗遇上大勇嘅獨立隊，隨時輸得更慘。
波特諾唔赦堤格雷

另一支阿根廷球隊堤格雷作客巴拉圭波特諾，堤格雷攻力差，近6場比賽有5場入唔到波，欠缺爭勝本錢，波特諾上圈兩勝阿根廷球隊高隆，心理上有優勢，主勝可取。