伊蒂哈德受讓大「吉」

猪拉多纳

亞冠盃四強次回合繼續睇實場沙特阿拉伯內訌，吉達艾阿里同伊蒂哈德再喺共用主場對決，首回合伊蒂哈德小勝一比○，今次輪到吉達艾阿里掛住主場名義大反擊，但佢哋大賽經驗輸蝕，而且近八戰鬥伊蒂哈德法定時間內只贏一仗，讓唔起對手，要「讓球客勝」！

（now 671周四凌晨1時直播）

兩支沙特阿拉伯兄弟兵首回合打成均勢，伊蒂哈德勝在擁有可靠士哥拿夏沙斯，繼八強首回合鬥FC廣州梅開二度後，呢個沙特射手上場又射入奠勝士哥，盡顯級數。兩軍今次再次碰頭，球場大家共用，吉達艾阿里實在冇乜優勢，佢哋形勢上要焗攻，若防線谷得太前，更有利伊蒂哈德打反擊，夏沙斯咁鬼射得，隨時又有進帳。
吉達艾阿里輸經驗

吉達艾阿里三個南美兵名氣響亮，巴西前鋒域陀奧利華拉踢過比利時名牌球隊布魯日，阿根廷射手迪亞高摩拉利斯曾代表阿根廷，哥倫比亞防中柏路明奴都入選過國家隊。不過，大軍近年於亞冠盃冇乜料到，最叻係05年殺入八強，反觀伊蒂哈德曾於04及05年捧盃，09年都打入決賽奪亞，大戰經驗贏晒，對賽往績又佔優，受讓抵玩！
蔚山現代超班可捧

同日南韓代表蔚山現代主場對烏茲別克球隊賓約哥，蔚山首回合作客喺落後一球劣勢下反勝三比一，再次展現超班實力，過去三屆都有南韓球隊打入決賽，相信蔚山可接棒為國爭光，返到主場贏面更高，熱捧主勝，可博埋「讓球主勝」。

（now 671周三晚6時30分直播）