禾堡翻生主場誓開齋

猪拉多纳

今晚德國盃Alwin心水滿溢，主力場次揀咗禾夫斯堡主場對德乙ＦＳＶ法蘭克福，禾堡炒咗教練馬加夫後立即脫胎換骨，一於再追，1.82倍「讓球主勝」可作出擊重心，進取可以博埋16倍波膽「主其他」。

（周四凌晨3時30分開賽）

禾夫斯堡上周中炒咗主帥馬加夫後，全隊洋溢歡樂氣氛，替工教頭高斯拿上周末聯賽第一時間同前主帥唱反調，被馬加夫打入冷宮嘅拿杜、卡積亞、長谷部誠、祖殊、迪亞高同巴斯杜斯全部獲解凍擔任正選，結果踢出身價波大勝杜塞爾多夫，被傳係踢走馬加夫黑手嘅迪亞高賽後更呼籲會方長期信任高斯拿，深信球隊可以喺呢位原助教手上重生。禾堡今季主場未贏過波，今晚誓以一場大勝安慰球迷。

ＦＳＶ法蘭克福近3場德乙客場輸晒，剛仗隊長舒歷基踢咗19分鐘就被逐，大部分時間10人應戰耗力甚多，今晚未必回到氣。
Alwin推介：

禾夫斯堡讓球勝★★★★

史特加大★★★★

慕遜加柏讓球勝★★★★