利華殺「德」性起

猪拉多纳

今晚德國盃免費電視台提供雙料娛樂，頭場利華古遜作客比勒費爾德，利華近期非常威水，上仗造訪安聯球場，打破拜仁慕尼黑今季聯賽長勝走勢，氣勢一時無兩。今仗遇上丙組仔，利華就算半力出擊都炒得起對手，「讓球客勝」有1.88倍抵玩。

（無綫翡翠台周四凌晨2時直播）
杜塞爾多夫輸到慌

利華古遜今季原本開局唔順，但自9月尾開始上力，包括歐霸盃在內，近7仗取得5勝2和，代表作當然係上輪聯賽作客擊敗拜仁。雖然利華該仗贏波略帶有幸運成分，但正所謂好波不如好運，利華古遜現時狀態當弗，加上有運氣之助，可謂相得益彰，面對勁旅都未驚過，更何況今場對手只係丙組球隊。

比勒費爾德08/09年球季仲喺德甲比賽，但球會因為陷入財困主力四散，成績每況愈下，前季更降落丙組。雖然佢哋今季成績不俗，但始終只係丙組水準，球會小本經營，人腳質素唔可以同利華古遜相提並論，難望爆冷，淨輸2球或以上好正路。

由於直播時間重疊關係，尾場直播賽事杜塞爾多夫主場對慕遜加柏，要待「比利之戰」完場後才緊接送上，杜軍曾保持首五場聯賽不失球，但自從被史浩克04攻破大門後，好似洩咗氣嘅皮球，已3連敗共失10球。球隊本身攻力亦非常差，近8場比賽有5場入唔到波，試問又點讓波？今場慕遜加柏受讓，「讓球客勝」夠晒穩陣，如果嫌賠率低，可直取客勝。

（無綫翡翠台周四凌晨3時30分直播）
德國盃推介

利華古遜讓球客勝

拜仁慕尼黑細

慕遜加柏勝