紅軍回勇o趙拖肥糖

sherry

攻守孖寶缺陣 莫耶斯頭痕
今晚英超早場上演默西賽德郡打吡，由愛華頓主場出戰利物浦。「拖肥糖」雖然開季成績唔錯，目前以15分排名第4，但今仗因為中場兩大重心缺陣，未必捧得過。反觀「紅軍」近況回勇，上周中喺歐霸盃贏波，氣勢回升，仲有新星史達寧同神奇隊長謝拉特孭飛，足智彩開出平手盤，1.95倍利物浦「客勝」值得捧場o架。（有線200及300、廣東體育周日晚9:30直播）

有人話得中場、得天下，小妹好相信呢場波兩隊都會係中場爭個你死我活。不過愛華頓領隊莫耶斯就慘啲，皆因中場重心費蘭尼有傷在身未必踢得，派拿又話停賽，冇咗呢對一攻一守孖寶，成隊波運作都隨時出現阻滯。

史達寧人氣勁 連拿傷愈反而「紅軍」就齊人得多，有腳法有膽識嘅新星史達寧呢期人氣勁升，神奇隊長謝拉特永遠都值得信賴，加埋經常喺大賽有神來之筆嘅祖高爾都喺後備席廂候命，就連門將連拿都傷愈復出，領隊羅渣士手上大把籌碼，排陣點變都得，要搶3分絕對唔難。

睇番足智彩賠率，目前排名同今季狀態明顯佔先嘅愛華頓，今場竟然唔使讓「紅軍」，睇落絕對唔正路，如果信莊家判斷，睇怕「拖肥糖」今晚將會惡唔出樣。

小妹一向鍾意睇默西賽德郡打吡，皆因例牌火藥味濃，球味十足。而且「紅軍」又有唔少我一直支持嘅球星，諸如「哨牙蘇」蘇亞雷斯，扭得又射得，我一定要為佢打氣。呢場波有咁多好波之人，小妹相信好多球迷都會同我一樣，今晚一於買定包花生等睇好波啦﹗

利物浦作客往績秤先
‧愛華頓喺過去21場賽事中，僅得2場冇入球。

‧愛華頓自3月起就未試過喺主場嘅英超賽事輸波。

‧利物浦近7次作客愛華頓，有5場獲勝。

主持飲食節目有口福
今個星期小妹有幸一嘗做飲食節目主持嘅機會，食住開工真係好梳乎呀！導演仲話我好好彩，第一集就介紹名人火鍋館，唔單止有得食八寶牛，仲有刺身拼盤！正呀！

Yennie
大學畢業後再戰模特兒界，憑住甜美笑容和豐滿身材，過去半年不同類型的工作湧現。