阿仙奴大反彈

猪拉多纳

兵工廠剛恥辱新敗，史浩克則贏出打吡，雙方爭勝心爆棚，兩強對撼入波必多！歐聯B組分組賽，阿仙奴主場迎戰史浩克04，兵工廠近11仗歐聯主場10次開大，門將文路尼係計時炸彈隨時失波；史浩克中前場個個射得，捧大！（有線64及204台周四凌晨2時45分直播）

阿仙奴上場英超醜死鬼，作客弱旅諾域治輸0比1，成班球星行行企企冇段好睇，賽後領隊雲格直斥班波發揮遠低於水平。
歐聯主場大盤率高

兵工廠目前於聯賽已經大幅落後，班球迷非常唔like，球隊為咗省靚個招牌，一眾「槍手」今戰肯定肉緊搏殺。剛於周一度過63歲生日嘅主帥雲格暗示，球隊將效法上季車路士，將注意力集中歐聯戰場博捧盃，聯賽但求保住前四就算，以兵工廠上場聯賽hea爆演出，今晚隨時大反彈。

翻查往績，佢哋近11場歐聯主場比賽（不計外圍賽），僅得1場開細，開大率超過9成；雖然今戰阿歷士張伯倫、禾確特受傷，但門將施捷斯尼受傷續搵文路尼擔大旗，後防穩極有限，想唔失波都難。

史浩克04剛於魯爾區打吡擊敗死敵多蒙特，目前士氣如虹，其中快翼阿費利弗爆，加上法芬同亨特拉爾，球隊攻力強勁，去到酋長球場都唔會龜縮。兩軍有齊開大條件，有望繼上兩輪分組賽後再開出大盤。