巴塞大騷賀美斯做老竇

猪拉多纳

西甲休戰一個星期，榜首嘅巴塞隆拿今晚會作客拉科魯尼亞，不過西甲球迷近期焦點集中喺美斯身上，唔係要睇佢有幾好波，而係美斯今晚可能榮升老竇！西班牙傳媒話美斯女友今日會剖腹產子，呢位阿根廷球星好可能會缺陣，不過巴塞班球員咁好兄弟，肯定唔會要美斯心掛掛，何況韋拿頂上擔正一樣夠殺有餘，今仗一於撐巴塞大勝一場，捧1.7倍「讓球客勝」兼1.46倍「入球大」！（now632台周日凌晨4:00直播）
家人齊集巴塞隆拿fb報喜

「準老竇」美斯日前喺facebook話：「我已返到巴塞，屋企人亦都會嚟，好開心。」據西班牙《每日體育報》講，美斯女友洛古絲素今日會開刀生仔，所以屋企人先會嚟齊晒，如無意外美斯今場應該唔會上陣，之前聽過佢幫囝囝改名做Thiago，睇嚟呢位巨星已經急不及待想幫囝囝換片片啦！
拉科喪失波入埋唔夠輸

巴塞開季成績理想，上周被皇馬逼和，未能打破球會最佳開季成績有啲可惜，不過韋拿、阿歷斯山齊士等復出後，巴塞中前場人腳更加完整，就算美斯缺陣都唔成問題。不過後防兵源就相對較弱，碧基、佩奧爾同丹尼爾都受傷，桑治踢完國際賽後亦因護照被偷延期歸隊，畀拉科偷番球都唔係奇事， 既然巴塞大勝一場唔難，「入球大」同「讓球客勝」絕對好路。

拉科開季4戰不敗拎咗6分，表現睇落唔算好曳，不過對住實力有番咁上下嘅球隊即刻現形，連輸3場。論鋒力拉科係唔錯，除咗對西維爾淨輸2球外，其餘場場都有波入，但後防近3場失咗9球，前面入埋唔夠輸點頂巴塞呀！
「小美斯」最喜愛/重要嘅……

偶像：爸爸同埋教父Jorge

球員：哥哥同表哥

球隊：紐維爾舊生

興趣/書：聽音樂/聖經

其他運動：手球

科目：語言科

目標：贏冠軍

回憶：外婆第一次帶自己去踢波

夢想：升上紐維爾一隊

傷心事：外婆過身
張峰來料：巴塞（讓球客勝）、入球大

今季加盟日之泉JC晨曦的港腳張健峰，擅打左中場及左後衞多個位置，除了罰球有一手，最拿手係推介歐洲足球。