斯肯索普下盤酬賓

猪拉多纳

國際賽期間大部分聯賽都會讓路，不過英甲仍有多場賽事上演，其中斯肯索普主場對賓福特，主隊近期雖遭逢三連敗，但其中兩仗面對聯賽首次席球隊，輸波可以理解，今仗面對作客仍未開齋嘅賓福特，斯肯索普有力保持不敗，主隊受讓平半，阿King認為下盤值博。（周六晚10時開賽）
賓福特作客差讓唔起

斯肯索普剛錄得三連敗，但阿King細心留意賽績，發現其三場敗仗中，有兩仗係負於積分榜首位的燦美爾及次位的史提芬納治，落敗屬情有可原，今仗面對中游分子賓福特，阿King相信係反彈良機。

賓福特今季成績唔錯，但球隊原來只係地頭蟲，今季作客仍未開齋，只錄得四和一負劣績，今仗作客斯肯索普相信亦難以打開勝利之門，讓球盤賓福特仲要讓平半，阿King必捧下盤。

另外，般尼茅夫經歷聯賽四連敗後，主帥保羅高夫斯難逃被炒厄運，球隊現時處於群龍無首，相信今次有主場都難以即時反彈。奧連特近期作客表現有所好轉，今仗受讓值得捧場，捧「讓球客勝」。葡聯盃賽事方面，基維辛迪聯賽兩連勝近況不俗，今仗更有主場之利，加上對手拿華於葡甲表現平平，就算轉戰盃賽亦不甚睇好，捧基維辛迪贏波。