防線鬥甩漏 櫻花山神玩大佢

猪拉多纳

天皇盃第3圈共有16場賽事上演，足智彩只開13場，重心場次日職球隊大阪櫻花主場對日乙大軍山形山神，櫻花擁有巴西星級中場森比斯奧助陣，進攻火力強，但防守不穩，攻強守弱，捧入球大最好！

（周三晚6時開賽）
森比斯奧撐起櫻花

大阪櫻花向來係日職兵工廠，先後培育香川真司、乾貴士及清武弘嗣等新星，幾位哥仔喺歐洲球壇發展順利，大軍失去咁多猛將，確係需時慢慢執。櫻花今夏引入巴西中場森比斯奧，佢上年仲踢緊羅馬，轉戰日職大超班，佢近期開始上力，頻頻取得士哥，大軍3連勝轟入9粒，多得呢位星級外援交足貨，加上年輕箭頭柿谷曜一朗，攻力甚強。

不過，大阪櫻花防線甩漏多，對上3仗場場失2粒，今次仲有南韓門將金鎮鉉代表國家隊缺陣，情況更壞，實在難以予人信心。日乙大軍山形山神近況麻麻，近5戰1和4負，加埋失10粒，平均每場失2球，後防咁曳，今次越級挑戰櫻花隨時畀人炒，大盤開出機會高唱入雲！