貝迪斯蘇斯達演入球騷

猪拉多纳

今晚西甲壓軸尾場，「神經刀」貝迪斯又出場，喺自己地頭迎戰「作客蟲」皇家蘇斯達，主隊近兩仗不但都有人領紅牌被逐，後防仲狂失八粒，客軍剛喺巴斯克打吡戰勝畢爾包，心雄下作客隨時搶攻，大盤捧得過。

（now 632周日凌晨4時直播）
主隊躁狂客軍心雄

之前同大家講過，貝迪斯係一支估佢唔到嘅球隊，近兩仗狂失八球，但連續兩場共有三人領紅被逐，無論係攔截過勇定係愈踢愈躁，球隊紀律肯定有問題，搞到後防立立亂，睇嚟仲有排執，主隊未係時候反彈。加上「熱捧冷敲」定律，今仗貝軍不宜捧場。

皇家蘇斯達一向主強客弱，要捧客勝點都有啲戒心。不過該隊上輪喺巴斯克打吡戰，勇挫死敵畢爾包，前線拍檔基沙文同卡路士韋拿愈來愈夾，加上法國中場蘇魯圖沙復出，挾住贏波勢頭下，作客勢必搶攻打落水狗，但蘇斯達本身後防亦唔穩陣，呢場隨時係大手交易，入球大咪走雞。

好久没做猪