基爾禾殘陣有「森」無力

猪拉多纳

周日凌晨意甲有兩場比賽，率先舉行由基爾禾主場對森多利亞。開鑼日基爾禾係威係勢，兩球淨勝博洛尼亞。可惜強勢未能持續，近五場聯賽全部落敗，上輪遇到弱隊巴勒莫仲輸到一比四。基爾禾現時處於弱勢，就算換上哥連尼執教也無補於事，今場讓唔起森多利亞，「讓球客勝」可捧。

（周日凌晨零時開賽）
森多利亞作客硬淨

基爾禾近況差劣之外，球隊傷病球員多亦係今場不利因素。因傷缺陣球員包括柏路斯治及盧斯安奴，而進攻核心兼隊長柏利斯亞，就因要做手術移除腎石，今場應不會上陣。基爾禾陣容不整，於主場作賽亦難以信任。森多利亞聯賽作客不敗，今季亦曾擊敗過AC米蘭，面對基爾禾當然有力全取三分。而更重要的是前鋒麥斯盧比斯今場復出，身後再配以兩位前祖雲達斯進攻手艾斯迪加列比亞及馬利斯卡，呢套進攻組合相當有睇頭，有力撕破主隊防線。

好久没做猪