熱刺客W手到「拿」來

猪拉多纳

歐霸盃今晚激戰連場，其中J組嘅熱刺會造訪彭拿典奈高斯，呢支倫敦球會近況回勇，剛啱仲喺聯賽做低埋曼聯，對住今非昔比嘅彭拿典奈高斯要攞晒3分唔難，1.95倍客W捧得過。

（有線61、64、201及204周五凌晨1:00直播）
彭拿典奈高斯變雜牌軍

熱刺經歷開季低潮之後，最近終於重返正軌連贏3場，上場英超更加係球會23年嚟首次作客擊敗「紅魔鬼」，球員士氣當然冇得頂。咪唔記得熱刺領隊保亞斯曾經喺10至11球季率領波圖勇奪歐霸盃，呢位少帥當然想喺成名戰場繼續攞威，賽前佢就雄心壯志，豪言話擊敗曼聯只係踏出成功嘅第一步，又話想幫熱刺重奪失落咗28年嘅歐洲賽錦標，呢位少帥決心可謂十足。

主隊彭拿典奈高斯係希臘傳統班霸，不過佢哋今季戰績就真係慘不忍睹，希甲開咧5輪聯賽過後只係贏得1場，陣中最大名氣嘅兩位球星已經要數到前紐卡素中堅保桑同効力過阿仙奴嘅前鋒奧胡舒艾比耶，用星光黯淡嚟形容呢班波最適合不過。況且佢哋喺本土聯賽仲徘徊喺下游，留番啖氣應付周未硬撼薩丁場聯賽好過啦！

最大鑊係彭拿典奈高斯後防主將史派路普路斯要坐波監，要知道熱刺射手迪科爾新季已經有4球進帳，加埋首輪歐霸盃傷出嘅艾迪巴約已經復操並可以候命，彭拿典奈高斯就算有地利，睇怕都好難頂得住熱刺嘅進襲。

歐霸盃J組

好久没做猪