拿玻里捲入經濟犯罪撐燕豪芬

猪拉多纳

意甲拿玻里今季表現神勇，開季8戰不敗，以為佢哋今晚喺歐霸盃F組出訪荷甲燕豪芬頂得住咩？力奇唔多認同。事關意大利傳媒尋晚爆出驚天消息，當地警方突然殺入拿玻里總部查數，搞到軍心受影響，想唔輸都難，我捧1.78倍主勝！

（有線63及203周五凌晨3:05直播）
中場重心咸錫停賽

意大利嘅財務警察尋日先後去到拿玻里同意大利足總搜證，拎走唔少財務報表同球員合約等，據聞係話有部分球員交易涉及財務罪行，睇嚟有排煩。場外情緒受影響，場內其實一樣有隱憂，冇錯，拿玻里今季喺意甲表現出色，至今6戰得5勝1和排第2，但就因為喺意甲成績好，佢哋今仗據聞將會玩留力，除咗中場主力咸錫停賽，防守主力馬治奧同甘巴連尼亦冇隨軍出征，就算星級前鋒卡雲尼今仗都只會先任後備。

主隊燕豪芬原來喺歐洲賽近20次主場不敗，計埋各項賽事，更錄得跨季主場9連勝，氣勢勁爆燈。加上火力驚人，今季12戰合共射入45球，場均攻入3.75球，絕對有力撕破殘陣嘅拿玻里防線全取3分。

歐霸盃F組

好久没做猪