紐卡素冇heart點贏波？

猪拉多纳

今晚歐霸盃D組第二輪分組賽，紐卡素於主場硬撼法甲球隊波爾多，雖然前者實力稍為秤先，但「喜鵲」對歐霸冇乜興趣，經常派副選敷衍了事，相反波爾多就認真好多，對住陣容不整的主隊，今仗有力全身而退，「讓球客勝」值得捧場。

（有線64及204台周五凌晨3時05分直播）

其實紐卡素今季開局唔太順利，尤其後防都幾多甩漏，咁又好難怪，因為幾名主力守將高洛仙尼、丹尼森遜、史提芬泰萊及頭號門神告魯爾，均受傷患困擾，加上卡比耶、迪奧迪輪流受傷，射手柏比斯施斯又腳風唔順，令主帥柏杜頭都痕埋。
波爾多開季未輸過

由於喜鵲以聯賽為重，因此柏帥對歐霸採取「寓賽於操」的做法，讓一些後備或邊緣人上陣，好似奧巴坦、胡基治、艾美奧比、丹高士寧等，有幾認真有辦你睇，預計主力丹巴巴亞、柏比斯施斯、賓艾化都係先任後備居多。相反法國球隊波爾多不但近況弗爆，開季至今未輸過，亦睇得出呢支法甲球隊想在歐賽有一番作為，首輪分組賽更大炒布魯日四粒，態度決定一切，相信波軍今仗至少唔使輸波，「讓球客勝」捧得過。

好久没做猪