阿仙奴搶攻奧林比有麻煩 廠仔超班

猪拉多纳

阿仙奴今晚喺主場踢歐聯B組第二輪分組賽，對手係希臘嘅奧林比亞高斯。剛被破聯賽不敗身嘅「兵工廠」難得遇上弱旅，肯定會趁機及早搶夠分出線，迎接之後連場硬仗，今晚一於撐1.97倍「讓球主勝」，支持「兵工廠」重回勝軌。

（有線62及202周四凌晨2:45直播）

上周喺一場6分波大戰主場敗北，一班「廠仔」一定唔好受，回顧剛戰佢哋表現其實唔差，中前場發揮唔錯，能夠組織到有效攻勢，只係對手車路士出名防守力強，就算撕破咗防線，都仲要過世界級門將施治嗰關，有一定難度。
奧林比亞高斯志在參與

當然阿仙奴上場兩個失波，中堅都要負上一定責任，先有華美倫犯規，再有哥斯尼跟人出錯，導致失咗兩球。好彩今晚對手奧林比亞高斯只屬次級對手，威脅相對減少，可以放心進攻，假如開賽早段就取得入球，要大勝一場絕非難事。

筆者早喺中學時期，就喺足球遊戲認識奧林比亞高斯，雖然佢哋係歐戰常客，但就從來只係志在參與，甚少有機會進入次圈。佢哋上輪喺主場力拚不敵史浩克1:2，戰意雖然十足，可惜實力有限，作客倫敦能夠拉近比分，已經算有所交代。

歐聯B組
張峰來料：阿仙奴（讓球主勝）