賓約哥主場惡恰阿德

猪拉多纳

亞冠盃八強次回合賽事，烏茲別克賓約哥主場對澳洲阿德萊德聯。首回合兩隊打得激烈，最終打和2比2。如今輪到賓約哥有主場之利，實力相近下爭勝條件當然比對手優勝，今場可揀主W。

（now 671周三晚10時直播）

賓約哥屬烏茲別克強隊，成立至今已四奪聯賽冠軍。球隊上下都好希望可更上一層樓，贏得亞洲最高榮譽錦標，故唔使擔心佢哋嘅爭標鬥志。而最重要係賓約哥一直都有進行本土聯賽，球員狀態可透過正規比賽得以保持。相反澳職仍未開咧，連帶阿德萊德聯球員狀態都處於低位。雖然「阿德」近期都有踢熱身賽，但賽事本身欠競爭性，加上來來去去都係澳職球隊，好難提升作戰狀態。阿德萊德聯有不足之處，主W較為可取。
蔚山現代突擊煞食

另一場由沙特阿拉伯希拉爾對南韓蔚山現代，首回合希拉爾作客以0比1不敵蔚山現代，今返主場比賽當然會主動搶攻以追回失地。不過蔚山現代班底高，而且打穩守突擊特別耍家，話唔定可殺對手一個措手不及，主隊讓波捧「讓球客勝」。

（now 671周四凌晨1時10分直播）