基輔爭出線大屠薩

猪拉多纳

歐聯A組法甲富豪球會巴黎聖日耳門同葡萄牙班霸波圖被視為出線熱門，但唔好賴低烏克蘭勁旅基輔戴拿模，呢班波上次作客聖日耳門大敗，今次主場對薩格勒布戴拿模會大開殺戒，預期呢場入波唔會少，大盤捧得過！

（周四凌晨2時45分開賽）

基輔戴拿模分組賽首戰畀聖日耳門大炒，個個睇死呢班波冇運行。不過，作客向來唔係基輔強項，對住小組出線熱門輸波冇乜大不了，若果想出線，遇上全組最弱球隊薩格勒布戴拿模兩場波要拎晒六分，咁先有價講。講真，以薩格勒布戴拿模級數，踢歐霸盃都唔掂啦，擺明唔夠班打歐聯，今場隨時畀基輔大炒，捧入球大最好！
馬拉加「安」心捧場

另一場歐聯賽事比利時大軍安德列治主場對西班牙代表馬拉加，安德列治近年於歐洲賽冇乜佳作，依家比利時好球員出晒國搵食，呢隊波實力一般，上次對AC米蘭拎到分只因對手都曳，唔好睇得太高。馬拉加今季繼續有好表現，隊內有唔少優質球員，踢落愈來愈穩，作客一樣有本錢再贏，即使讓波都值得留意，平手盤就更加抵玩啦！
肥叔心水

基輔戴拿模大

波圖上盤

阿仙奴上盤

馬拉加平手盤

曼城上盤