聖日耳門未輸過唔赦波圖

猪拉多纳

歐聯A組賽事，兩支首輪贏波嘅出線熱門波圖、巴黎聖日耳門碰頭，波圖放走王牌射手侯克表現雖然冇太大走樣，不過今場對手係近期着晒火嘅聖日耳門，後者在歐聯冠軍教頭安察洛堤領軍下，今季於所有賽事保持不敗，波圖讓平半，必捧下盤聖日耳門。

（周四凌晨2時45分開賽）

波圖早前將巴西射手侯克賣走，唔少球迷都擔心球隊成績會下滑，不過其實呢支葡超班霸對呢啲情況早已司空見慣，球會多年來施行嘅「平買高賣」政策係最成功之處，今季球會由墨西哥球會查古里斯買入前鋒積臣馬天尼斯，成功取代侯克嘅空缺，呢名哥倫比亞射手今季替波圖上陣五次入咗四球，效率奇高，配合基巴拉奧比、施維斯達華利拿及占士洛迪古斯等好手，攻力依然強勁。
5連勝強勢受讓抵

不過波圖今場對手聖日耳門陣中亦高手如雲，伊巴謙莫域、柏斯托尼、堤亞高施華全部獨當一面，而且佢哋連同首輪分組賽已連贏五場，上周末聯賽主場輕取索察，所花氣力不大，比起波圖作客僅能打和里奧艾維，狀態、體力更有保證。教練安察洛堤老路縱橫，對應付歐洲賽有一手，要保住不敗全身而退唔難，受讓平半值得支持。